Ondarroako Udalak martxan ipini du beste urte betez Augustin Zubikarai Nobela Beka Lehiaketa. Euskarazko sormen literarioa bultzatzeko asmoarekin eta idazle berriei nobela bat argitaratzeko aukera emateko asmoz, aurten ere bi sari izango ditu lehiaketak: 8.000 euroko diru saria eta Elkar argitaletxearekin liburu bat argitaratzeko aukera.

Deialdi honetara nobelak idazteko proiektuak aurkeztuko dira, jatorrizkoak eta euskaraz sortuak, beste inondik moldatu gabeak eta aurretik saririk jaso edo argitaratu ez direnak. Horretarako epemuga 2024ko irailaren 30a izango da.

Lehiaketa irabazten duenak urtebeteko epea izango du proiektu hori nobela bihurtu eta liburu gisa argitaratzeko.

• Lehiaketaren oinarriak