Marrazo mailua edo nautiloa bezalako espezien bitxikeriak kontatzen dizkigun erakusketa.

Ozeanoek Lurreko azaleraren % 70 baino gehiago
betetzen dute, eta funtsezkoak dira gure planetak iraun ahal izateko.

Ozeanoetako urek bizi-aniztasun ikaragarria dute, askotan ezezaguna. Egindako zenbatespenen arabera, ozeanoen
% 10 baino gutxiago arakatu dugu, eta, beraz, itsasoko faunaren eta floraren zati handi bat misterioa da oraindik. Ozeanoen sakonean, muturreko tenperatura-, presio- eta iluntasun-baldintzetara egokitutako espezieak bizi dira, hala nola arrain abisalak, txipiroi erraldoiak eta hainbat izaki bizidun bioluminiszente.

Azken batean, itsasoa misterioz eta erronkez betetako eremua da, eta zientzialariek miatzen jarraitzen dute. Ekosistema sakonenekin hasi eta klima-aldaketaren eta kutsaduraren ondorioekin amaitzeraino, ozeanoak funtsezkoak dira Lurreko bizitzarako, eta haiek ulertzea ezinbestekoa da gure planetaren etorkizunerako. Hala ere, gauza asko daude ezagutzeko oraindik, eta ikerketan egindako aurrerapen bakoitzarekin hobeto ulertzen dugu nola dauden elkarrekin lotuta itsas misterio horiek eta Lurraren osasun globala.