Elena Olaveren (Durango, 1997) lehen poesia liburua.

III. NATURA HILA

Leihotik at begira dabilen gurpu izutua zara
inozentziaren ikonografiaz eraikia,
udazkeneko dantzak nostalgiaz behatzen dituena,
ahanzturaren urmaelean patxadaz arakatuz,
Karonteren txalupan nabigatzeko obolo
gabeziari erreparatzen diona zara.

Hor kanpoan giza arrazoiaren endekatzeak
agintzen duen tankeran
inposatzen da zure aurpegiaren begirada
galdua, noraezean oker jarri dituzu koordenadak
eta ez duzu marko teorikorik desorekaren burrunbak
dakarren bertigoa atondu ahal izateko.

Leihotik at begira ari zara
ezer zehatzik ikusi barik,
udazkena jada igaro zaizu
baina ez dituzu haren dantzak damurik oroitu.