“Todo empieza con la sangre”, Aixa de la Cruz. Katixa Agirre idazlea izango da berarekin.
“Todo empieza con la sangre” Violetaren istorioa da, jaio zenetik arrastaka daraman hutsunea betetzeko borrokan ari den emakumea, eta, horretarako, aktiboki bilatzen du besteen maitasuna. Pauelen agerpena eta bere grina harroputz eta iheskorra ez datoz bat Salma emakume sendo, indartsu eta ederraren maitasun seguru eta kolonizatzailearekin.
Eta, gainera, aita Violetarengandik urruntzeak ondorio emozionalak utzi ditu, amaren gehiegizko kontrolak areagotuak, aitaren absentzia modu itogarrian konpentsatzen saiatzen baita. Violetaren bizitza ideal erromantiko baten atzetik doa, inoiz lortzeko gai izan gabe, beti baitago zerbait berria desiratua izateko prest. Eleberrian belaunaldi gazteenek maitasunari eta desirari buruz egiten dituzten galdera handi batzuk islatzen dira, zehaztasunez eta maisutasunez kontatuak.
Aixa de la Cruz idazle bilbotarra bere belaunaldiko ahotsik nabarmenetakoa da. Bere alderdi literarioaz gain (hainbat eleberri eta saiakera argitaratu ditu), hainbat argitalpenekin kolaboratu du (Babelia, La Marea edo Vogue) eta zutabe bat idatzi du Bilbao egunkarian, idazketa sortzaileari buruzko eskolak emateaz gain. Bere lehen eleberria, "Cuando fuimos los mejores", 2008ko Euskadi Literatura Sarirako finalista izan zen, 2010ean "De música ligero" bezala. Ondoren, 2014ko Cosecha Eñe saria irabazi zuen, "Famous Blue Raincoat" ipuinagatik eta 2014ko Poesia eta Ipuinen Nazioarteko Literatur Lehiaketarena, "Brujas" kontakizunagatik. Bere "Cambiar de idea" eleberriak 2020ko Gaztelaniazko Euskadi Literatura Saria eta Librotea Tapado Saria jaso zituen.
Katixa Agirrek 2015ean argitaratu zuen bere lehen eleberria, "Atertu arte Itxaron". Lan honek urte horretako euskarazko lanik onenaren Akademia Saria jaso zuen. 2019an bere bigarren eleberria argitaratu zuen, "Amek ez dute" eta 2022an "Berriz Zentauro". Narratibaz gain, haur eta gazte literaturaren generoa eta kontakizuna landu ditu gasteiztarrak. Zutabegile izan da hainbat hedabide idatzitan, hala nola Diario de Noticias de Álava, Deia, Aizu! eta Argia aldizkarian.
