Loraldia 2023 jaialdiaren egitarauaren barruan.

Aresti egun honen amaiera Otxarkoagan izango da. “Jainkoa jaio zen Otxarkoagan” ipuina idatzi zuen idazle bilbotarrak eta horregatik igoko gara auzo honetara, Arestiren iruditerian garrantzi handia duelako.

Emanaldi xumea izango da. 15 minutuko arte bisualeko pieza bat etxe batean proiektatuko da. Otxarkoagatik abiatuta bi gazte Bilbon zehar ibiliko dira. Lehengo eta oraingo hiria izango dute mintzagai. Bilbori buruzko gogoeta bat, Arestiren begirada kontuan izanik.

“Bilbon dabil Gabriel Aresti” egitasmo honek lagunduko digu gure hiriaz hausnartzera. Geroa gure esku dagoelako.