Sinopsia:

Renata hil eta berpiztu egiten da etengabe. Inoiz pentsatu gabeko modurik absurdoenetan hiltzen da. Bizitza eta heriotzaren artean joan etorrian ibiliko da. Doaia ala madarikazioa?

Heriotza eta bizitza. Errealitatea eta mundu birtuala. Kolektiboa eta bakardadea. Eszenatokian lau aktore eta pertsonaia asko ikusiko ditugu. Erritmo frenetiko eta komiko baten laguntzaz pertsonaia guzti hauek Renata lagundu eta zirikatuko dute. Musikak ere garrantzi handia du trama honetan, joku eszeniko biziari erritmoa eta freskotasuna emanaz.

Kamikaz Kolektiboa 2014. urtean Miren Gaztañagak, Erika Olaizolak eta Amancay Gaztañagak sortu zuten antzerki konpainia da. Eszena zein generoaren hausnerketatik abiatuta zortzi antzezlan eta hainbat ikus-entzunezko pieza sortu dituzte modu kolektiboan. Azken urteetan hainbat proiektu elkarrekin egin ostean Iraia Elias eta Xanti Agirrezabala aktore sortzaileak batzen da konpainiara. 2021ean bi sari nabarmen jaso zituen taldeak “Hiru kortse, azukre asko eta brandy gehiegi” antzezlanarekin. Alde batetik, Donostia Antzerki Saria eta bestetik, Azpeitiko Antzerki Topaketetan ikusleen saria.

Fitxa teknikoa:

• Zuzendaritza eta testua: Iraia Elias, Erika Olaizola, Xanti Agirrezabala, Amancay Gaztañaga
• Zuzendaritza bidelaguna: Espe Lopez
• Jantziak: Barbara Rasso
• Argiztapena: Imanol Garcia
• Eszenografia: Kamikaz Kolektiboa eta Xanti Agirrezabala
• Musika: Eñaut Gaztañaga
• Diseinu grafikoa: Holy Fire Studio
• Eszena argazkiak: Iker Gozategi
• Kolaborazioak: Odei Barroso, Xabier Euzkitze
• Ekoizpena eta banaketa: Kamikaz Kolektiboa