Askotan hausnartzen dut txikia zer ote den. Umetatik, ezdeusa erregistratzeko beharra izan dut: beti bertatik bertara egoteagatik ikusten ez ditugun gauza horiek. Beharbada hutsak osatzen gaitu, falta denean estimatzen dugun horrek, amaren maitasunak, esate baterako, amonaren sukaldeak, etxearen epelak edo eguzkiaren beroaldiak neguko egun buruzuri batean. Baina, horrez gain, geure buruak baztertzen duenak ere osatzen gaitu aurrera egiteko bidean, bortizkeria nola, gehiegikeria nola edota hiria inguratzen duen murrua nola, beti gure aurrean egon bada ere, ikusezina dena. Topaketa honetan hainbat proiektu eta nire bidean eragina duten hainbat erreferentzia partekatuko ditut, eta arakatuko dugu ziurtzat jotzen dugunak nola eraldatzen gaituen maiz, ohartu gabe.