Tripak arte eszenikoen euskal konpainiaren hirugarren ekoizpena da Platea. Pieza honetan, minaren eta urraduraren irudiak umoreak eta absurdoak zeharkatzen dituzte. Hauek, kantu polifonikoek eta akordeoiaren eta biolinaren soinuek —klasikotik esperimentalera joz— ikuspegi poetiko eta abstraktuak biltzen dituzte.

Lan elebidun honetan (euskara eta gaztelania), ikusleak mundu honetara iristen diren pertsonaiei lagunduko die bere bidaian. Haiek erakutsiko digute, egoera emozional arketipikoenen gainetik, gizakiaren alderdi ez hain nabarmenak. Gutxiespenari beldurra, desobedientzia, manipulazio saiakerak, erridikuloaren sentsazioa edo adierazteko ezintasuna agertzen dira ikusleen aurrean, distirak bezala antzezlanean zehar.

Sortzaileen esperientzia pertsonaletatik sortu da Platea, eta diziplinen arteko oztopoak hausten ditu, emanaldia, performancea eta musika ikuskizun berean bilduz. "Aldi berean esperientzia fresko eta sakona eskainiko duen antzerki bat nahi dugu. Horretarako, baliabide espresiboak modu libre eta esperimentalean erabiltzeko aukera ematen dugu, esekidura eta aurkikuntza bilatuz", azaldu dute Tripakeko sortzaileek. Zentzu horretan, Plateak ohiko narratiba konbentzionala gainditzen du, eta bitarteko bat da publikoa barreetatik eta malkoetara eramateko.

Bitarteko existentziaren edo arimen trantsizio-egoeraren ideiatik abiatuta, Platean, oturuntza-mahai bat aurkezten zaigu, imajinatutako linbo baten irudikapen gisa, padurak dituen paisaia baten erdian. Mareen mugimenduak nabarmentzen du bizitzak eman eta hartzeko duen bereizgarria, azalpenik edo lokarririk aurkitu gabe. Jainko batek, zeremonien maisu gisa, ongi etorria ematen die inguru aldakor horretara iristen diren gorpuei.

Itsasoak eramanda, noraezean edo konorterik gabe iristen dira, naufragoak edo sirenak balira bezala; denek izan zituzten bizitza eta heriotza lehenago. Lekua azken ospakizunerako, transmutazio handirako prestatuta dago, baina, lehenago, beren aurreko borondateak utzi beharko dituzte, oraindik ere haien oihartzuna entzuten baita.

Sinopsia

(brindis bat),
ataria ur jauzi bat da (malkoz betea)
mahai gainean itsasoratzen da (hilobi bat)
eta hortik erori eta zabaldu (padurak)
gorputzak bata bestearen atzetik (ahizpak, ahizpak!)
hemendik igaroko gara (gure zauri itzela)
hara irteteko

Fitxa

• Egilea: Tripak konpainia
• Idea, testuak, dramaturgia eta diseinu bisuala: Natalia Suarez, Marina Suarez, Andrea Berbois eta Maite Muguerza
• Antzezleak: Natalia Suarez, Marina Suarez, Andrea Berbois, Maite Muguerza eta Garazi Navas
• Kanpoko begirada: Mayi Martiarena
• Musika zuzenean: Andrea Berbois eta Garazi Navas
• Eszenografia-laguntzaileak: HAIEK Koop.
• Argien diseinua: Inga Cerro
• Banaketa: Tripak
• Argazkiak: Arriguri
• Generoa: antzerkia/performancea
• Hizkuntza: elebiduna (euskara eta gaztelania)
• Publikoa: heldua
• Iraupena: 75 minutu

Tripak

2013an sortuta, munduaren eta estetikaren ikuspegi berezian oinarritutako sorkuntzak eskaintzeko asmoz, Maite Mugerza, Marina Suárez eta Natalia Suárez artista plastikoek eta Andrea Berbois biolin-jotzaileak osatzen dute Tripak. 2013an sortu zen, Baratza Aretoa (Vitoria-Gasteiz) laborategiaren testuinguruan, munduaren eta artearen bere esperientzia eta ikuspegi partikularretan oinarritutako sorkuntza propioak eskaintzeko asmoz.