Uztailaren 6tik 14ra bitartean, ohiko entzierroak, kontzertuak, kaleko musika, su artifizialak, jotak, bertsolariak, familiendako, gazteendako eta nagusiendako guneak biltzen ditu. 

Iruñeko Udalak 2025eko Sanferminetako Kartel Lehiaketarako deia egin du, hiriko festen irudia hautatzeko. Kartelak modu telematikoan aurkeztuko dira lehiaketara https://www.pamplonaescultura.es/eu/ webgunearen bidez, izena emateko formularioaren botoia sakatuta. Sanferminetako kartelak aurkezteko epemuga 2025eko apirilaren 22ko 14:00ak da. 2025eko sanferminak sustatuko dituen kartelarendako saria 5.000 eurokoa da. Epaimahai profesional batek hautatuko ditu 10 kartel finalistak, eta herritarren bozketak hautatuko du kartel irabazlea. Herritarrek bozkatzeko aldirako hautatutako beste 9 kartelek 500na euro jasoko dituzte, lehiaketako azken aldian parte hartzeko egindako lanagatik.

Lehiaketan parte hartzea librea da. Egile/talde bakoitzak proposamen bakarra aurkeztuko du. Ezin izanen dute parte hartu lehiaketaren aurreko edizioetan finalisten artean hautatutako obrek. Aldi honetan, kartelaz gain, ezinbestekoa izanen da txosten artistikoa eta kartelaren kontzeptuaren garapen teoriko bat aurkeztea.

2025eko Sanferminetako Kartel Lehiaketa arautzen duten oinarriek bi ohar jasotzen dituzte esplizituki:
LEHIAKETA EBATZI AURRETIK EZIN IZANEN DA JENDAURREAN JAKITERA EMAN KARTELAREN EGILEA NOR DEN.
KARTELA JATORRIZKOA ETA ARGITARATU GABEA IZANEN DA, ETA EZIN IZANEN DA ADIMEN ARTIFIZIALIK ERABILI.

Epaimahaiak, aukeratzeko irizpideen barruan, baloratuko du, besteak beste, sanferminen irudiari ekarpen artistikoa egitea, lanak beste formatu batzuetara egokitu ahal izatea, eta aurkezten den txosten artistikoarekiko koherentzia.
Armarria Udalaren logotipo ofizialean dagoen bezala txertatzen ahalko da, edo kartelaren diseinura libreki egokituz, baina, betiere ezaguterraza eta identifikagarria bada eta elementu guztiak egoki eta errespetuz irudikatuta badaude. Logotipo ofiziala erabiltzekotan, zuzenean deskargatzen ahal da www.pamplonaescultura.es/eu/escudos-de-pamplona estekan edo botoi hau sakatuz:

FORMULARIOA BETETZEKO JARRAIBIDEAK
Formularioa betetzeko, gaitutako lauki guztiak bete behar dira agertzen diren hurrenkeran, kontuan hartuta izartxo batez markatutako eremuak nahitaez bete behar direla. Goiburuko menuan, formularioa euskaraz, gaztelaniaz edo ingelesez betetzea hautatzen ahalko da.

1. Datu pertsonalak: Egileen (pertsona bakarra edo kolektiboa) izena / Sozietate-izena, Abizenak / Ordezkaria, NANa, AIZa, IFKa edo besterik, telefonoa eta helbide elektronikoa. Garrantzitsua da helbide elektronikoa baieztatzea, haren bidez amaituko baita izen-ematea, formularioa betetzean e-mailez bidaliko den esteka sakatuta.
2. Jaioteguna eta jaioterria: Data, Herrialdea, Autonomia Erkidegoa, Probintzia eta Herria. (Espainia). Edo, Data, Herrialdea (Espainiakoa ez bada)
3. Helbidea: Herrialdea, Autonomia Erkidegoa, Probintzia, Herria, Kalea, Ataria, Solairua (hautazkoa) eta Posta kodea Edo, Herrialdea eta Helbidea (Espainiakoa ez bada).
4. Kartelaren datuak:
   a) Kartelaren leloa (kartela identifikatzen duen izenburua).
   b) Kontzeptua (gehienez 1 Mbko .PDF fitxategia igo): Kontzeptuaren garapen teorikoa eta kartela osatzen duten elementuak, besteak beste: antolaketa, koloreak, tipografia, sinboloak, etab. (bi aldeko orri bat).
   c) Txosten artistikoa (gehienez 1 Mbko .PDF fitxategia igo): Aldez aurretik egindako lan artistiko bat aurkeztea, argitaratu gabea edo argitaratua, bereizmen baxuko irudiak dituena, gutxienez 3 eta gehienez 6. (gehienez, 5 orri).
   d) Kartelaren irudia (gehienez 1 Mbko .PDF fitxategia igo): Kartelaren irudia JPG formatuan (Neurriak: 820 x 1171 pixel. Bereizmena: 72 pixel/hazbete). Kontuan izan behar da 10 kartel finalistek, inprimatzen direnean, 1000 x 700 mm-ko formatua izanen dutela (bertikalean).
5. Sakatu beharko da lehiaketa honetara aurkeztutako kartelaren egilea dela, obra hori originala eta argitaragabea dela eta kartela egitean ez dela Adimen Artifizialik erabili aitortzen duen laukitxoa .

Eremu guztiak bete ondoren, formularioa igortzeko, horretarako gaitutako BIDALI botoia sakatu beharko da. Garrantzitsua da nabarmentzea izapide horrekin EZ dela izen-ematea amaitzen. Jakinaraziko zaizu MEZU ELEKTRONIKO BAT JASOKO DUZULA (datu pertsonalei buruzko 2. atalean emandako helbidean), eta horra bidaliko dizute formularioaren datuen laburpena. Mezu horretan ESTEKA bat egonen da, sakatu ezazu BALIOZKOTU eta IZEN-EMATEA AMAITZEKO.
Hori eginda, bigarren eta azken mezu bat jasoko duzu, non BERRETSIKO BAITA zure parte-hartzea lehiaketan, kartelaren LELOarekin (4. a atalean emanda), NANa, AIZa edo IFKa eta lehiaketan erreferentziazkoa izanen den PLIKA-ZENBAKIArekin batera. Mezu hori izanen da lehiaketan parte hartzeko egiaztagiria.

BETE FORMULARIOA ETA PARTE HARTU