Ekainaren 21ean Donostian eskainiko duen kontzerturako sarreren salmentak izandako arrakastaren ondoren, Bruce Springsteen and The E Street Band taldeak bigarren kontzertu bat emango duela berretsi du. Ekainaren 24an izango da Donostiako Reale Arena Estadioan (Anoeta). Hauek izango dira 2025ean Espainian egingo duten biraren bi datak, Doctor Music kontzertu sustatzaileak iragarri duenez.

Sarrerak salgai jarri dituzte jada, 70, 84, 94, 108 eta 140 euroan harmailetan, 140 euroan pistaren aurrealdean eta 88 euroan pistaren atzealdean. Gehienez ere, sei sarrera erosi ahalko ditu bakoitzak.