Ekainaren 13 29ra ospatuko dira Irungo San Pedro eta San Martzial Jaiak 2025. 2025eko sanpedro eta sanmartzialak gero eta gertuago daude. Ildo horretatik, Irungo Udalak ekainean hirian egingo diren kontzertuen kartela iragarri du.
Aurreko edizioetako dinamikari jarraituz, aurten ere, jaien aurreko asteburuan hasiko dira kontzertuak. Horrela, ekainaren 13an, ostiralarekin, Puro Relajo nafarrek rantxerak joko dituzte, eta, hurrengo egunean, Fangoria arituko da; dudarik gabe, jaietako izarrak izango dira madrildar ikonikoak.
Hurrengo astean, ostiralarekin, Musika Eguna by Lotura izango da. Musikaren Egunari aurrea hartu, eta Irungo taldeek musikaren gainean duten ikuspuntua azalduko dute: arratsalde eta gauean, hainbat kontzertu izango dira Urdanibian, musika elektronikoa dutenak ildo nagusitzat, baina, edonola ere, eszenatoki bakoitzak bere nortasun propioa izango du.
Ekainaren 23an, euskal agertokiko klasiko bat jardungo da, Gatibu, birari bukaera ematen. Ekainaren 27an, Ladilla Rusa taldearen elektropop ukituko rumbak izango dira entzungai, eta, 28an, Judeline, 2025eko Coachellako festibalean joko duen espainiar bakarra izango da –munduko musika jaialdirik enblematikoenetako bat (Kalifornia)–.
Bestalde, berriro ere, Gaztegunea gazteen topalekua izango da, ekainaren 26tik 28ra arte.
Jamaica Show orkestra Irunera itzuliko da, hiri osoa kantatu eta dantzaraztera, eta, jaiei bukaera emateko, ekainaren 30ean, bi diskofesta izango dira; bat, txikientzat.
Hona hemen kontzertuen egitaraua, laburtuta:
Süne eta Gatiburen aurretik jotzeko aukera
Beste urte batez, bertako taldeek kartela osatzen duten talde nagusietako batzuen aurretik jotzeko aukera izango dute; aurten, Süne eta Gatiburen aurretik jotzekoa. Martxoan hasiko da horretarako izena emateko epea, eta apirilean egingo dira bozketak.
Talde bat bertakotzat hartzeko, kideen erdia Irunen jaio direla edo hirian erroldatuta daudela edo egon direla egiaztatu behar da, eta 60 minutuko emanaldia bermatzeko behar adinako errepertorioa izan. Gainera, ekainaren 21eko kontzertuan jotzeko, beste baldintza bat bete behar da: taldekideen % 70ek 18 eta 25 urte artekoak izan behar dute.
