Artista ospetsua bihotzarekin eta bere ahotsaren dagarekin egiak kantatzeko munduratu zen. Behin esan zuen: “Ni ez naiz hilko, xamana naizelako eta gu ez garelako hiltzen. Guk transzenditu egiten dugu”. María Isabel Anita Carmen de Jesús Vargas Lizano etxera itzuliko da bira luze bat, azkena, egin eta gero. “La Pelona” laguna bere bila etorriko da hiru egunen buruan, eta Chavela –Rozalén abeslariak hezurmamituko duenamundu honen eta bestearen arteko mugan ibiliko da. Noizean behin, ahaztu egingo zaio nor den, baina hari gorri batek urrun eramango du, berak “bizitza maitatu zuen” toki horietara, abiatu aurretik bisita egingo dioten oroipenen linbo batera…