Osa+Mujika bi sormen-munduren batura da: dantza eta plastika eszenikoa. Jaiotz Osa eta Xabier Mujikaren bosgarren piezak lanari buruz eta horrek gure gorputzean zein adimenean duen eraginari buruzko hausnarketa da. “Arrakasta”, “balioa”,“estatusa” eta gisako kontzeptuekin lotzen dugu lana. Liluragarria da arrakasta sentsazioa, garrantzitsu sentitzea, ezinbesteko; baina hainbesteko arrakasta baduzu, zergatik segitzen duzu astean 40 ordutik gora lan eta lan? Aurrerago bizitza pertsonalerako astia izango dugula pentsatuz, ia dena sakrifikatzen dugu asmo profesionalen alde, etorkizunean gozatuko omen dugun diru baten truke. Bien bitartean, osasun fisikoazein emozionala galtzen ditugu.

Bost dantzari murgilduta gauden lan-kultura obsesiboaren zerbitzura jarriko dituzte euren gorputzak, kolore urdin-hori ezin biziagoz (eta korporatiboagoz) jantzita. Lanaren grina izango dugu, seguruenik, bizitza kotranparik handienetakoa. Txikitatik prestatzen gaituzte tranpa horretarako, eta bertan irauten dugu, ia-ia hil arte.

OHARRA: Argi estroboskopiak erabiltzen dira

LANA (teaser) en Vimeo

Fitxa artistikoa: 

• Artistak: Rafke Van Houplines, Maddi Ruiz de Loizaga, Paula Parra, Adrián Bolaños, Jaiotz Osa
• Konpainia: OSA+MUJIKA
• Zuzendaritza: Osa+Mujika
• Koreografria: Jaiotz Osa
• Musika: Gartxot Unsain

Sarrerak: 

• Sarreren salmentaren ordutegi berezia: apirilak 10
• Online salmenta apirilaren 10eko 10:30etan hasiko da (principalantzokia.janto.es/es)
• Ohiko salmenta: apirilaren 11tik aurrera, ohiko kanaletan eta ordutegietan

Ikuskizun hau Udal Antzoki Sarearen Udaberri-udako programazioaren parte da.