Motxila hartu eta ni banoa! Oihanean murgilduko naiz animalia guztiekin batera. Bertan, zuhaitzetara igoko naiz, oihanaren sakontasuna ikusi ahal izango dut, eta hosto handi eta berde horien usain freskoaz gozatu. Lehoiaren pare-parean jarri eta oihanaren erregina bihurtuko naiz! Putzu sakonena aurkituko dut, biluzik bainatuko naiz eta lehortzeko hondartza bakarti batean zabalduko dut nire toalla. Gauez, iluntasuna eta isiltasunarekin batera hontzen, saguzarren eta kilkerrekin batera hartuko dut loa.

Abenturaz betetako saio honetan oihaneko mila txoko ezagutuko ditugu! Animaliak izango bagina bezala ipuinetan sartuko gara eta alde batetik bestera joango gara abenturaz abentura! Lehoien orroak ez gaituzte kikilduko! Prest? Ni, oihanera noa!