"Post mortem azterketa" edo nekropsia deitzen zaio gizaki zenduei egiten zaien prozedura mediko bati, gizaki horiek bizitzan izan dituen baldintza medikoei buruzko informazioa lortzeko. Pieza honetan, 40 urte inguruko mutil batek eta Barbie izeneko alter egoak beren bizitza-nekropsia egingo dute. Nolako haurtzaroa izan zuen kontatuko dute, nolako nerabezaro eta heldutasuna, nola bizi izan zituen irakasleek, aitak, aitona-amonek, lagunek eta gainerako gizonezkoen eraginak. Beren maskulinitatea nola eratu den ikusiko dute, harik eta Barbiek nekropsia leherraraziko duen arte.Barbie eta untxi baten nekropsia bat eszenaratuz, Javier Liñerak antzerkia erabiltzen du, azken arte gisa ez ezik, xaxatzeko, gogoratzeko, birrintzeko, duintzeko... tresna gisa ere. Eszena krudelak lortzen ditu, baina ez desatseginak. Gogorrak, baina gomendagarriak. Zoragarri idatzi eta taularako ederki planteatutako eszenak.
Proiektu irabazlea izan da Gasteizko Udalaren Antzoki Sarearen tokiko koprodukzio eszenikorako laguntzen 2024ko deialdian.
OHARRA: Funtzioan argi estroboskopiak erabiliko dira
