Erakusketa sentsorialak urte oso batean zehar, une desberdinetan, lau instalazio eskainiko dizkigu, obrekin elkarreragiteko eta zentzumenak probatzeko.

Laugarren eta azkenengo geltokia: Udaberria

Instalazioa espazio multisentsoriala da, eta udaberria oroitaraztea du helburu, usainen, soinuen eta material birziklatuen bidez. Lore-esentzia lokalak dituzten lore zintzilikari usaintsuek osatzen dute, eta ikuslearen kokapenaren arabera etengabe aldatzen den usaimen-paisaia sortzen dute. Gainera, hegazti autoktonoen kantuek soinu-esperientzia aberasten dute. Instalazioak komunitatearen eta ingurunearen arteko harremanari buruz hausnartu nahi du, elementu iraunkorrak integratuz eta esperientzia sentsorial murgiltzailea sustatuz.

Sortzailea: Sara Luna Torrego, Eli Díez eta Edurne Maiona