Aurten, lehenengoz, Oñatiko Blues Festibala ospatuko da. Herrian dagoen musika mugimendu zabala aberasten jarraitzeko asmoz, egitasmo hau eraman du aurrera sortu berri den Oñatiko Blues Elkarteak. Soinu klasikoenetatik hasi eta proposamen berritzaileenetaraino, gustu eta adin guztietarako proposamenak izango dira.
Apirilaren 25ean, ostirala, Gasteizko Tobacco Road Blues eta Zarauzko Arima Soul taldeen emanaldia izango dugu Antixena Gaztetxian. Apirilaren 26an berriz, Mingo Balaguer Sevillarrak eta Pablo Sampa Madrildarrak osatutako bikotea eta Indigo Blues Bartzelonako taldea izango dira eszenatokian.
