2025eko Aitzealdenk! Fest jaialdiaren barne.
EZPALAK
Rock alternatiboa egiten duen Zestoako (Gipuzkoa) taldea da, 2019an sortu zutena.
Juanjo Berasain (ahotsa), Eñaut Gaztañaga (gitarra), Unai Eizagirre (baxua) eta Janardana Iglesias (bateria) dira Ezpalak taldea osatzen duten musikariak. Fuzz gitarren, psikodelia eta noise ukituen, riff indartsuen, punk pirrintak, eta «zergatik ez, baita nolabaiteko pop malenkonia ere», erantsi dute.
Hiru disko argitaratu ditu orain arte taldeak. Ezpalak (2019), Kolpatu Topatu (2021) eta Hortz Aina Hots (2022). Azaroan ikusiko du argia laugarrenak ere, Gatza izenburuarekin.
