Situ-akzioak: "birika bezain elastikoa"

Donostia / San Sebastián 2025(e)ko apirilaren 10(e)tik 2025(e)ko uztailaren 27(e)ra
  • Situ-akzioak: "birika bezain elastikoa"

birika bezain elastikoa da Anna Irina Russell artistak Situ-akzioaken edizio berri honetarako sortu duen erakusketa. Bere diseinuan, Karmengo Ama IP eta Herrera Ikastetxea eskolek lagundu dute, bai eta familia-talde batek ere. Arte garaikidera ikuspegi ezberdinetatik gerturatzea sustatzen duen proiektua da Situ-akzioak. Ikasteko prozesuetan eta esperientzia estetikoan jolasak duen funtsezko rola aitortuz, proiektua erakusketa-forma konbentzionalenetatik aldendu da eta arte garaikideari eskainitako espazioetan eragiteko eta ezagutzeko bestelako erak proposatzen ditu.

Erakusketa honetan, gune bigun eta porotsu batean sartzeko gonbita egiten digu Anna Irinak, habitatzen duten izakien presentziaren eta mugimenduaren ondorioz eraldatzen den organismo latentea den espazioa. Egitura puzgarri ezberdinen bitartez, taldeko esplorazio bat proposatzen du artistak, gure gorputzak hedatu eta uzkurtzen den organismo horren parte bilakatzen dira, esanahi berriak ehunduz jolasaren eta irudimenaren bitartez.

Airea, harremanetarako materiatzat hartua, proposamen honen osagai nagusia da. Zenbait animaliak komunikatzeko edo babesteko erabiltzen dituzten estrategietan inspiratu da erakusketa —mintz bat puztea, bolumena handitzea edo airez betetzea, esaterako—; halaber, komunikatzeko era berriak ikertzen ditu, ahozkotasunaz haraindi. Airea, bitarteko ikusezina izateaz gain, konektatu, eraldatu eta gorputz kolektibo baten agerpena ahalbidetzen duen ibilgailua ere bada hemen.  

Elkarrekin arnastea. Hedatzea. Espazioa eraldatu eta berak gu eraldatzen uztea. Finean, etengabe mugitzen den gorputz kolektibo bat habitatzeko gonbita da erakusketa hau, non interakzio bakoitza konexio- eta aukera-keinua baiten.

 

Erakusketaren izenburua blanca ariasek Brillo 3: Tomar aire. Anna Irina Russell argitalpenerako idatzitako testu batetik hartu da.

"Xamurtasuna errai bat bezalakoa da: hestea bezain biguna, bihotza bezain leuna eta birika bezain elastikoa".


Laburrean

  • Mota Erakusketa
  • Data 2025(e)ko apirilaren 10(e)tik 2025(e)ko uztailaren 27(e)ra
  • LekuaTabakalera
    Andre Zigarrogileen plaza, 1
    Donostia / San Sebastián
    Web
  • ZenbatekoaDoan
  • Ikusi agenda Tabakalera, Donostia / San Sebastián

Non