2017ko martxoaren 13an, Bilboko portuan, Bizkaiko suhiltzaile Ignacio Roblesek uko egin zion Saudi Arabiarako armamentua ontziratzeko lanetan parte hartzeari. Armamentua Yemengo gerran erabiltzekoa zen. Ekintza hark mobilizazio soziala piztu zuen, eta Euskadiko armagintza-industriaren eta ekoizpen horren hartzaileen inguruan kontzientzia hartzea eragin zuen.
Dokumentala Ongi Etorri Errefuxiatuak eta La Guerra Empieza Aquí (LGEA) elkarteek ekoitzi dute, eta gizarte zibileko hainbat eragileren eta Solidarios Sin Fronteras elkartearen laguntza jaso du.
Egilea: Ongi etorri Errefuxiatuak
Proiekzioa Gasteizko Udaleko Garapenerako Lankidetza Zerbitzuak antolatutako Fokuan 2025 jardunaldien barruan izango da.
