Gizarte zibilaren ahotsak bildu ditugu, egungo euskal industria militarrari buruz eta herritarrengandik sortutako jarrera antimilitaristei eta bake-eraikuntzari buruz eztabaidatzeko.

Hizlariak:

• Albaro Anta, konplexu militar industrialari, kontrol sozial eta polizialari eta gure gizarteen militarizazioari buruz Euskal Herritik alternatibak aztertzeko, salatzeko eta proposatzeko helburuarekin sortutako Gasteizkoak talde antimilitaristako kidea.

• Luis Arbide, ATTAC (Transakzio finantzarioak zergapetzeko eta hiritarren ekintzarako elkartea) elkarteko eta Ongi Etorri Errefuxiatuak herritarren plataformako kidea. Centre Delàs erakundearen laguntzailea eta aktibista da bertako La Guerra Empieza Aquí batzordean.

• Ana Ribacoba, aktibista eta militante feminista antimilitarista, eta migratzaileen eta babes bila datozenen eskubideen defentsan. Emakumeok Gerraren Aurka - Mujeres Contra la Guerra taldeko kidea da. Bertan, Euskal Herritik gerretan dugun zuzeneko inplikazioa aztertzen dute.

• Moderatzailea: Aitziber Pérez de Karkamo. Komunikazioaren esparruan kolaborazioak egiten ditu, batez ere prentsan eta irratian, betiere kazetaritza feministatik, eta hitzaldiak eta aurkezpenak dinamizatzeko lanak ere egiten ditu, bereziki gizarte arlokoak.

Sarrera: Ekitaldia hasi baino 30 minutu lehenago. Eskuineko alboko atea (iparraldeko sarrera).

Mahai ingurua Gasteizko Udaleko Garapenerako Lankidetza Zerbitzuak antolatutako Fokuan 2025 jardunaldien barruan izango da.