Paperezko txotxongiloen, abestien eta poemen ikuskizuna.
Lehen aldiz estreinatu zenetik 90 antzezpen baino gehiago egin dira. Gainera, jaialdi eta askotariko programazioetan parte hartu du, adibidez, Baranaingo Txotxongilo Jaialdian, Literaktum-en edota Argentinako Santa Fe eta Entre Ríoseko Nazioarteko Haur Antzerki Jaialdian.
Pantzart konpainiak esperientzia luzea du familia- eta objektu- antzerkian. Haren lanak beti dira freskoak, dibertigarriak eta artistikoki nabarmenak. Beraren lengoaia eszenikoak, nagusiki bisuala eta beti musikala, ez du beste ezeren antzik. Interpreteen nortasun eta trebetasun originalaren eta sortzaileen bikaintasunaren emaitza da.
2012an sortu zenetik, PANTZARTek 10 ikuskizun ekoitzi ditu, euskal egileen testuetatik abiatuta, dramaturgia berritzaileekin, aretorako eta kalerako.
PANTZART konpainiaren partaideak hauexek dira: Elena Bezanilla, Santiago Ortega, Ainhoa Pineda, eta Arantza Flores, Juan Kruz Igerabidek testuekin kolaboratzen duela, eta elkarlanean ari dira, era berean, David Larrinaga musikarekin eta Jose Antonio Gutiérrez, “Guti”, argazkiekin. Denok sari ugari jaso dituzte.
