Udal Liburutegien Sareak 2025eko ‘Liburuaren Egunak’ ekimena aurkeztu du; hau da, apirilaren 1etik 11ra bitartean Liburuaren Nazioarteko Egunarekin lotuta egingo diren jardueren programazio berezia.

2025 honetarako hitzorduak honako 6 hauek dira:

• Apirilaren 1ean, ‘Entrialgo se fija’ Mauro Entrialgorekin (gaztelaniaz): Azucena Monge gasteiztarrak, eleberri grafikoan eta komikigintzan adituak, Mauro Entrialgo elkarrizketatuko du bere ibilbide historiestistiko luzean oinarrituta. Bere pertsonaiarik ezagunenak Herminio Bolaextra, Ángel Sefija edo Tyrex dira.
• Apirilaren 2an, ‘Hetero’ Uxue Alberdirekin (euskaraz):Aitziber Pérez de Karkamo arabar komunikatzaileak elkarrizketatuko du idazlea bere azken liburuari buruz (Durangoko Azokan harrera bikaina izan zuen).
• Apirilaren 3an, Pantzart konpainiaren ‘Boli bili boli’ (euskaraz): haurrentzako ikuskizuna, paperezko txotxongiloekin, abestiekin eta Juan Kruz Igerabideren poemekin (2-6 urte).
• Apirilaren 9an, ‘Vitoria-Gasteiz, una ciudad para contarla’ Kreliaren eskutik (gaztelaniaz): Gasteizi buruzko 23 kontakizun biltzen dituen liburuaren aurkezpena. Bertan, zuzeneko musika, irakurketak, antzerkia eta irudiak ere izango dira.
• Apirilaren 10ean, ‘Tierra sin hombres’, María Peraltarekin (gaztelaniaz): Inma Chacónen liburuarekin Irakurketa Errazerako egin duten egokitzapena aurkeztuko dute. APDEMArekin lankidetzan.
• Apirilaren 11n, ‘Frankestein agurgarria’ Ana Galarraga & Pettiren eskutik (euskaraz): disko-liburu hau aurkezteaz gain, errezitaldi musikatua eskainiko dute. Bertan, gai hauen inguruan eztabaidatzeko tartea izango da: Non daude zientziaren mugak? Nor da aurreikusi gabeko ondorioen erantzulea? Zerk bultzatzen du gizakiaren gaiztakeriara? Nor da munstroa?

Jarduera guztiak Goiuri jauregian egingo dira 19:00etan (apirilaren 3ko haurrentzako ikuskizuna izan ezik) eta 18:30etatik aurrera aretoaren sarreran jarriko den liburu-saltokira sartzeko aukera egongo da. Gainera, jardueraren ondoren, liburuak sinatzeko ekitaldia egingo da bertan. Haurrentzako ikuskizunaren kasuan, emanaldia 18:00etan hasiko da, eta ez da beharrezkoa aurrez sarrera hartzea.

• Liburu Egunak 2025: egitaraua (pdf)
  
  

Erakusketa bat eta lanketa artistiko bat Udal Sareko Liburutegietan

Liburu Egunak ekimenaren helburua da irakurketa, liburuak eta ikuskizuna oinarritzat hartuta, kulturaren eta herritarren arteko hurbilketa bultzatzea. Horrez gain, irakurzaletasuna eta kultura hedatzen dituzten espazioak bultzatu nahi dituzte: liburutegiak, adibidez.

Helburu hori lortzeko, jarduera batzuk liburutegietan bertan egingo dira, herritarrak programarekin eta espazio horiekin inplika daitezen. Hala, apirilaren 7tik 13ra bitarteko astean, liburutegiek eskuragarri dituzten funts bibliografikoekin aldi bereko erakusketa antolatuko dute honako gai honen inguruan: Liburuei buruzko liburuak. Bertan liburu, liburuzain, liburu-saltzaile, liburuen edizio, koadernaketa eta abarri buruzko liburuak aurkituko ditugu; hau da, liburuen munduarekin zerikusia duen guztia, sortzen denetik irakurlearengana iristen den arte. Aukeratutako liburuak eleberriak, tematikoak edo komikiak izango dira.

Liburutegietan, gizarte-etxeetan eta ingurune hurbilean egingo den esku-hartze edo lanketa artistikoak itxiko du programa. Espazio horiek aipu bibliografiko oso ezagunekin estaliko dira, hausnarketa bultzatzeko (haietako asko haurren liburu edo ipuinetatik ateratakoak izango dira). Horretarako, gizarte-etxeetako langile guztiak inplikatuko dira, eta liburutegietako nahiz gizarte-etxeetako erabiltzaileekiko konplizitateak bilatuko dira, aipu horiek ustekabeko lekuetan itsatsita ager daitezen eta literaturak eta liburuek leku nabarmena eta agerikoa izan dezaten. Hala, liburutegietan, aipu horiek gordeko dituzten kutxa batzuk jarriko dira.

Jarduera guztietarako sarrera librea izango da, tokiak bete arte. Informazio gehiago Udal Liburutegien Sareko webguneko Liburu Egunak atalean.