Ikusi hemen "Bidaiarien Txokoa 2025" zikloaren programa. 

CONNECTING TRE CIME
Italia, 7min
Zuzendaria: Marcial Sommer
Dolomitetako Cima Grande eta Cima Piccola arteko lehen highlina, luzeran 121 metro dituena. Hori lortzeko, 15 luze eskalatu behar izan zituzten 300 metroko horman.

HAIZE LERROAK
Euskal Herria, 13min
Zuzendaria: Janire Etxabe
Dantza bertikala probatu neban momentutik argi izan neban bide honetan jarraitu gura nebala. Geure etxean, mendietan, hegaz, zintzilik. Definitzen ez dan sentimenduaren bilaketa etengabean.

JAMIE
AEB, Kanada, 18min
Zuzendaria: Darcy Hennessey
Jamie Logan, Ipar Amerikako mendizale puntakoenetako bat, 76 urterekin, mezu hau helarazi nahi die bera bezalako beste trans pertsonei: bizitza ederra izan daitekeela, norbere buruarekin errespetuz jokatuz, zintzo izanez eta munduarekin konektatuago egonda.

HIRU HAUNDIAK. TAUPADAK ETA GAILURRAK
Euskal Herria, 54min
Zuzendariak: Ander Salsamendi Arbizu, Aitor Intxaurraga
Hiru Handiak, Euskal Herrian egiten den lasterketa da, lehena, handia, mitikoa, entzutetsua... geurea.