Ziudadelako Arma Aretoa eta Poterna. Martxoaren 22an, 13:00etan, 17:00etan eta 18:30ean. AT AT AT: ARTE BIZIEN PROGRAMA ZIUDADELAN.

Programak hiru proposamen artistiko izango ditu, Ziudadelako Arma Aretoan eta Ziudadelako Poternan gauzatuko direnak. Maia Villot de Diego artista eta komisarioaren zuzendaritzapean.

Hau gonbidapena da, beste modu batez begiratzeko gonbidapena, une batez presarik gabe begiratzera geratzeko eta, ahal bada, ezer ere espero gabe, gertatuko denari aurre hartu gabe. Une batez lasaitzeko eta gure gorputzak kontenplaziorako prestatzeko gonbidapena da, behatzeko eta entzuteko, ulertu nahi izan gabe, norbait nola mugitzen eta dantzatzen den, eta nola hitz egiten, jotzen eta kantatzen duen ikusteko espazio batean biltzeko esperientziaz fidatuz.

AT AT AT performance ziklo bat da, eta topaketa horretan gotorlekuan egun bat igarotzera gonbidatzen zaituztegu, bertan hiru pieza ikusteko: Lara Brown eta Jonás de Muriasen Lo Imposible es Desaparecer (Desagertzea: hori da ezinezkoa); Nazario Díazen Háblame, cuerpo (Hitz egidazu, gorputz) eta Élan d ‘Orphium-en Canto dorado (Urrezko kantua). Dantza, musika eta antzerkiaren bidez gorputzarekin, identitatearekin, hizkuntzarekin, tradizioarekin eta memoriarekin zerikusia duten gaiak proposatzen dizkiguten hiru lan.

13.00 – Ziudadelako Arma Aretoa
LO IMPOSIBLE ES DESAPARECER – Lara Brown eta Jonás de Murias

17.00 – Ziudadelako Arma Aretoa
HÁBLAME CUERPO– Nazario Diaz

18.30 – Ziudadelako poterna
CANTO DORADO – Élan d ‘Orphium