Akuarela-tailerreko ikasleen erakusketa kolektiboa

Akuarela teknika piktoriko bat da: pigmentuak uretan diluitu, eta paper gainean aplikatzen dira, normalean. Koloreen nahasketaren bidez gardentasun- eta leuntasun-efektuak sortzeko aukera ematen du, bai eta espontaneotasunez margotzeko aukera ere. Baliabide autonomo eta sortzailea da, eta urarekin lan egin behar denez, beti ekarriko digu erronka zail bat: kontrolatzearen eta eramaten uztearen artean oreka aurkitzearena. Teknika horrek bete-betean harrapatzen du artista, pintatzen hastean beti sortzen dion ziurgabetasun hori dela eta. Erakusketa honetan, Kultur Leioako akuarela-tailerreko artista-talde baten lan-sorta bat izango dugu ikusgai. Akuarelarekin duten loturari esker sortutako zenbait obra aurkeztuko dizkigute, jardun jarraitu eta sendo baten emaitza. Udal-tailer baten testuinguruan sortutako obra-multzo heterogeneoa da, intentsitate, energia eta emozio handiz betea. Orain, obra horietaz goza­tzeko unea da.