"Central Art Galleryn, Gipuzkoako Foru Aldundiko Kultura Departamentuarekin lankidetzan, 10eko hamarrak aurkezten dugu, gure lurraldeko hamar emakumezko artistaren talentua, indarra eta begirada berezia goresten dituen erakusketa: Martxe Arana, Elena Arrese, María Castilla, Dorleta Diaz, Susana Ferreira, Nisa Goiburu, Adriana Ibargoyen, Julia Otxoa, Nora Pilarte Y Ainize Txopitea

Historikoki, emakumeak ikusezintasunak markatuta eta aitortza jasotzearen aldeko borrokan aritu izan dira artean. Oztopoak oztopo, haien sormena funtsezkoa izan da arte garaikideak izan duen bilakaerarako. Erakusketa honen bidez, haien lana ikusarazteaz gain, Gipuzkoako egungo giro artistikoan duten ezinbesteko zeregina aldarrikatu nahi dugu.

Erakusketa hau osatzen duten hamar emakumezko sortzaileek artea ikusteko etaulertzeko modua zabalduko  diguten askotariko unibertsoak, hizkuntza berdingabeak eta perspektibak ezagutzera gonbidatzen gaituzte. Haien lanak interpelatu eta hunkitu egingo gaitu, desafio egingo digu, eta erakutsiko digu emakumeen artea ezinbestekoa ez ezik, agorrezina ere badela.

Erakusgarri hau ez da arte-erakusketa soil bat, topaketarako eta elkarrizketarako gunea baizik. Horregatik, performanceak, tailerrak, solasaldiak eta elkarrizketak antolatu ditugu arte garaikidearen esparruan erreferente diren Gipuzkoako emakumeekin.

Hausnarketa eta inspirazioa eragin nahi ditugu, eta, batez ere, emakumeek artean duten ahotsa merezitako indarrez eta duintasunez entzun dadin lagundu nahi dugu. 10eko hamarrak erakusketan murgiltzera gonbidatzen zaituztegu, eta bertako obretatik abiatuta, hamar artista horien esentzia ezagutzera ere bai.

Eskerrik beroenak ematen dizkizuet programa oparo hau osatzea posible egin duzuen guztioi, proiektu honi eman diozuen baldintzarik gabeko babes eskuzabalarekin."