2025eko Eibarko Antzerki Jardunaldien barne.

35 URTE ESZENARA BEGIRA ikus-entzunezko lana da, 64 minutuko luzemetraia dokumentala. HIKA teatroak 35 urte bete ditu aurten eta Agurtzane Intxaurragak, taldeko zuzendari eta sortzaileak, belaunaldi berriekin ofizioaz hitz egiteko bulkada sentitu ondoren, bi sortzaile gazterekin elkartuko da.

Donostiako Antzoki Zaharrean, KAMIKAZ kolektiboko Amancay Gaztañagarekin (10 urteko ibilbidea antzerkian) eta MARI ZAUNKA kolektiboko Oihana Vesgarekin (4 urteko ibilbidea dantza arloan).

"Dokumental hau ofizioari buruz belaunaldi ezberdinen iritziak, egonezinak eta, batez ere, kezkak eta ilusioak partekatzeko saiakera da".