Animaliek eta gizakiek mendeetan zehar elkarrekin nabigatu dute ontzietan, animaliak ontziratu egin dira gizakientzat ezinbestekoak zirelako: nekazaritzarako, garraiorako, gerretarako zein jaki moduan... Ontzietako espazioak partekatu dituzte, hirurogeigarren hamarkadan animalien garraioa arautzen duten legeak zorroztu ziren arte.

Alde batetik oiloak, oilarrak, txerriak, arkumeak etab. ontziratzen ziren marinelek bidaian zehar jan zitzaten… Bestalde, txakur edo katuak bezalako animaliek beren lan propioak zituzten. Tripulazioaren etsipenerako polizoi gisa ontziratzen zirenak ere bazeuden: arratoiak, txintxarriak, labezomorroak eta lurralde berriak inbadituz joan diren mota guztietako espezieak. Eta, jakina, beti ontziratu izan dira konpainia-animaliak.

Animaliak ontzietan erakusketaMuseu Marítim de Barcelonak sortutako erakusketa honek, gizakiek eta animaliek ontzietan partekatutako historian murgiltzen gaitu. Portuak eta ontzigainak eszenatoki dituzten pasadizo eta bizipenez osaturiko kontaketa bat da.

Familiei zuzendutako erakusketa hau interaktiboa eta ludikoa da, photocall zein marrazki txoko bat ere badauka. Eta, erakusketarekin loturiko familia tailer programa bat martxan jarriko da.