Santurtziko 950. urteurrena: egitaraua

Santurtzi 2025(e)ko urtarrilaren 7(e)tik 2025(e)ko abenduaren 11(e)ra

2025ean, Santurtziko 950. urteurrena ospatuko da.

Oso mugarri garrantzitsua izango da itsasotik hain gertu bizi izan den udalerriarentzat, eta horretarako beren beregi sortutako kultura-egitaraua antolatu da. Kultura eta gizarte ekitaldiz beteriko egutegia izango da, ehunka santurtziar parte hartzera gonbidatuko dituena eta herri-nortasun nabarmena duena.

2025 aparteko urtea izango da herriarentzat, eta programazio oparoa izango du, non udalerriko erakundeen parte-hartzea garrantzi handikoa izango den. Horretarako, Santurtzik hilero egingo ditu jarduera bereziak, hala nola bisita antzeztuak, udalerriaren historiari buruzko ikus-entzunezko ikuskizun bat, udalaren zenbait eraikinen fatxadatan proiektatuko dena, testigantza historikoak jasoz zenbait santurtziarrek egin dituzten dokumental laburrak, Parke Nagusiko arrosondoen pasealeku zaharra berreskuratzea, kandelapeko kontzertu bat San Jorge elizan edo “Gora Santurtzi” ospakizuna, herriko elezahar ezagun bat azaltzen duen ikuskizuna. Bertan santurtziarrek, Done Jurgik lagunduta, herensugea nola garaitu zuten ikusiko dugu. Gainera, “herensugeen jaitsiera” berreskuratuko dugu, duela bi bat hamarkada Santurtziko kaleetan ikusi ahal izan genuen ikuskizun bera, argi, kolore eta pirotekniaz osatutakoa.

Horiez guztiez gain, ekintza nagusi bat egingo da San Jorge egunean. Egun horretan Kontzejuaren bilkura bat egingo da aire zabalean, elizaren ondoan, 1827. urtera arte egiten zen gisan, urte horretan inauguratu baitzen Santurtziko lehenengo udaletxea.

950. urteurrenaren ospakizunei amaiera bikaina emango zaie hiru ekitaldi handiren bitartez, non udalerriaren historia, kirola eta kultura nabarmenduko diren. Horrela, Santurtziren historiari buruzko kongresu bat egingo da, eta bertan gaika antolatutako zenbait ponentziaren bidez herriaren historia ekarriko dute gogora. Kirol arloa jorratzeko, berriz, Kirolaren Gala baliatuko dute eta herriko hainbat kirolariri aitortza egingo diete. Eta kultura, hiru ospakizun hauen hirugarren zutabea, lantzeko euskal musikako bi banda ospetsuren kontzertuak izango dituzte Santurtzin. Horrela, El Drogasek eta Bulegok distira are bereziagoa emango diote berez berezia izango den urteari. Azkenik, 950. urteurrenaren ospakizunari amaiera emateko gala bat egingo da, urte osoan bizi izandakoa gogoan izan eta hainbat kolektibok eta herritarrek egindako ahalegina eta lana behar eskertzeko.

Oroitzapenezko elementuak:

Urteurrenaren harira, udalean oroitzapenezko zenbait elementu egin dira, hala nola 950. urteurrenaren marka duen pin bat, paparrean jartzekoa, banderatxo batzuk Santurtziko balkoietan eskegitzeko, posta-zigilu bat edo egutegi bat, gure udalerriak historian zehar izan duen bilakaera erakusten duena argazkien bitartez.

Horiez guztiez gain, webgune bat sortu da datorren urtean Santurtziren 950. urteurrenaren harira egingo diren ekitaldi guztiei buruzko informazioa kontsultatu ahal izateko.

2025eko PROGRAMAZIOA:

URTARRILA

Urtarrilak 7: Inaugurazio ekitaldia 950 eta Arkeologia-lanen hasiera

OTSAILA

Otsailakren 8,9,15,16,22 eta 23: Bisita antzeztuak San Jorge elizara, Encrucijada antzerki elkartearen eskutik

MARTXOA

Martxoak 22: Dragoien jaitsiera, Mendi Alde Dantza Taldearen eta Estatuko eskualde desberdinetatik iritsitako hainbat konpartsen eskutik
Udalerriaren historiari buruzko ikus-entzunezko ikuskizuna, fatxadan proiektatua (data zehazteke dago)
Banderolak zabaltzea (data zehazteke dago)

APIRILA

Apirilak 5: Gora Santurtzi ikuskizuna, herriko hainbat dantza talderen eskutik: Bihotz Gaztea, Mahasti, Mamarigako Etorikizuna, Mendi Alde eta Zugaitza
Apirilak 26: Ekitaldi nagusia San Jorge jaietan: Kontzeju Irekiko batzarraren errepresentazioa

MAIATZA

Arrosondoen pasealeku zaharra berreskuratzea (data zehazteke dago)

EKAINA

Serantes txikiaren bataila, Mamarigako Auzo Elkartearen eskutik
Udalerriaren historiari buruzko ikus-entzunezko ikuskizuna, fatxadan proiektatua (data zehazteke dago)

IRAILA