Olentzerok eta Mari Domingik dena prest dute Bilboko kaleak magiaz eta ilusioz betetzeko, eta horrez gain, irribarreak banatzeko eta agurtzera hurbilduko zaizkien familiei eskerrak emateko. Izan ere, beraiekin hitzorduak izango dituzte abenduaren 23an, Kalejiran, eta asteartean, abenduaren 24an, Arriaga Antzokian egingo duten harreran. Horrela, urtean zehar gehien espero den unerako azken atzerako kontaketa hasiko da.
Olentzerorekin eta Mari Domingirekin egingo den lehen topaketa abenduaren 23an izango da, 18:00etatik aurrera, Carlton Hoteleko balkoira irtengo direnean eta bertan bildutako jendetza agurtuko dutenean. Ondoren, segizio magiko guztiarekin batera, Moyua plazatik abiatuko dira (ohiko trafikoaren kontrako norabidean) eta Kale Nagusia zeharkatuko dute Arriaga plazara iritsi arte. Bertan, musika banda bat harrera emango die eta argiz eta kolorez beteriko antzerki eta musika ikuskizun bat entzuten hasiko da.
Kalejira amaitzeko, Bilboko Gabonetako pertsonaia magikoek bertan dauden pertsona guztiak agurtuko dituzte Arriaga Antzokiko balkoitik, Gabonetako errepertorioko abesti tradizionalak abestuz.
Olentzerok egurrezko bere Pottoka handiaren uhalak eramanez egingo du ibilbidea, Mari Domingi bere antzarran, antzar kumeekin batera; Basajaun bere trizikloan (opariak ekartzen dituen gurdiarekin batera), eta Lamia bere pertikan; Lamiak, gainera, ahotsa jarriko du ikuskizunean. Galtzagorriek beste urte batez lan nekaezina egingo dute Galtzagorri Nagusiaren gidaritzapean; “Ipurtargiak” -hiru ipurtargi erraldo; Herensuge "Gutu" izeneko herensuge mitologikoa; Gaztedi Dantzari Taldea eta Salbatzaile herriko dantza taldeak; eta zanpantzarrak edo joaldunak, segizioa ohiko soinuarekin irekiko dutenak.
Aurten, berrikuntzak ekarriko ditu kalejirak. Hasteko, "Argiontzia", Euskal tradizioaren farolak, non Galtzagorri Nagusia bizi den. Desfilea irekiko du eta Olentzero, Mari Domingi eta segizio osoa Uriko kaleetan zehar gidatuko ditu, harrera egitera datozen pertsona guztien ametsak piztuz. Elementu berri hori euskal ohituretan oinarritzen da, hala nola, Santa Ageda gauekoa; gainera, mendeetan zehar baserrietan familiei argia ematen zieten eta arrantzaleei etxerako bidea eta portuan lehorreratzea argitzen zieten faroletan inspiratuta dago.
Gainera, aurten, “Argiontziari Kanta” abesti berria kantutegi euskaldunean sartuko da. Musika errepertoriaren bidez, bi pertsonaia magikoek euskal historiaren jakituriari, tradizioari eta ahozko kontakizunari eutsiko diete.
HARRERA ARRIAGA ANTZOKIAN, HILAREN 24AN (ASTEARTEA), GOIZEZ
Abenduaren 24an, asteartea, ohiturari jarraituz, Olentzerok eta Mari Domingik gutunak zuzenean eman eta beren nahiak kontatu nahi dizkieten Bilboko umeei harrera egingo diete, gau horretan bertan Bilboko etxe guztietara bisita erronda egin aurretik.
Harrera-ekitaldia, herritarrentzako erreferentziazko topaketa, 11:00etan hasiko da, eta 14:00ak arte luzatuko da, Arriaga Antzokian.
Gainera, itxaronaldia atseginagoa izan dadin, Udalak hainbat jarduera prestatu ditu Antzokiaren kanpoaldean goiz osoan zehar, goizeko 11:00etan hasita. Haien artean, taloak egiteko tailerra eta makillaje artistikoa egongo dira.
Hitzorduaz ahalik eta gehien gozatzeko, Udalak garraio publikoan joatea gomendatzen du, bai eta segurtasun-aholku batzuei jarraitzea ere (ERANTSITA), jende asko espero baita.
KALEJIRA, ABENDUAREN 23AN (ASTELEHENA)
UMEEN HARRERA, ABENDUAREN 24AN (ASTEARTEA)
ARRIAGAN EGINGO DEN HARRERAKO SARRERAK: ONLINE EGONGO DIRA ESKURAGARRI, ABENDUAREN 20TIK, 10:00ETATIK AURRERA: esteka honetan
