Aitzina Folk 2024 jaialdiaren barruan.

Zalduondo Arabako epizentro kultural bihurtuko da Landa Inauterien eta Botargen I. Topaketarekin. Arabako Landa Inauterien Kultur Elkarteak (AHIK), Zalduondoko Udalak eta Zalduondo Kultur Elkarteak antolatuta, ekitaldiak egun ahaztezina eskainiko du, tradizioa, historia eta ikuskizuna uztartuko dituena.

Ezaugarri horiek dituen Arabako lehen topaketa hau, lehen aldiz, lurraldeko maskaradetako eta landa-inauterietako talde adierazgarrienak batuko dituen gertakari berritzailea izateagatik nabarmentzen da. Gune paregabea da, eta Arabako herrien bihotzean oraindik taupaka dauden antzinako tradizioei balioa eman nahi die, belaunaldi berriei aukera emanez tradizio horiek deskubritzeko eta festa eta familia giroan bizitzeko

Maskaraden eta botargen esentzia berreskuratzen duen ekitaldi paregabea

Jardunaldia azaroaren 16an izango da, Zalduondon, eta adin guztietako jendearentzako jarduera egitarau zabala eskainiko du: desfile koloretsuak, kultura-hitzaldiak, kontzertuak eta Arabako gaua argituko duten piroteknia-ikuskizunak uztartuz. Jai-giroarekin batera, azoka tradizionala, txosnak eta foodtruckak izango dira, eta, horri esker, egun ezin hobea izango da familiarekin gozatzeko.

Maskaraba 2024an parte hartu duten taldeak:
– Salcedoko inauteria (Salcedoko Kultur Elkartea)
– Ilarduia, Egino eta Andoingo inauteriak (ILEGAN)
– Kanpezuko inauteriak (XVII Mendea kultur elkartea)
– Kuartangoko inauteriak (Kuartangokoak Elkarte Soziokulturala)
– Zalduondoko inauteria (Zalduondoko Kultur Elkartea)
– Katxi (Oiongo Udala)
– Katximorro (“Danzas De Laguardia-Biasteri Katximorro” Kultur Elkartea)
– Parte hartzen duten 7 eremuetako udalak eta kontzejuak

Jardueren egitarau osoa:

• 11:00 – Hitzaldia Lazarraga Jauregian: Eguna hasteko, Landa Inauterietako eta Maskaradetako pertsonaia nagusiei buruzko hitzaldi bat eta kultur adierazpen horiek komunitate eramaileetan duten eraginari buruzko mahai-inguru bat.
• 12:30 – Landa-inauterien eta Botargasen desfilea: Lurraldeko talde esanguratsuenak Zalduondoko kaleetan barrena ibiliko dira, maskara eta pertsonaia tradizionalekin, herria kolorez eta bizitzaz betez.
• 15:00 – Parte hartzen duten taldeen arteko anaitasun bazkaria, esperientziak partekatzeko eta taldeen arteko lankidetza sustatzeko unea
• 17:30h – Epaiketak eta pertsonaien erreketa: Transgresioa eta berrikuntza irudikatzen dituen tradiziorik sinbolikoenetako bat esanguraz betetako zeremonia batean gauzatuko da.
• 18:00 – Aitzina Ceol Taldearen kontzertua: Euskal folka Zalduondoko Frontoiko karpara iritsiko da talde honen emanaldiarekin, Aitzina Folk jaialdiarekin elkarlanean.
• 19:00 – Lekittoko Deabruak piroteknia ikuskizuna: Egunaren amaieran zerua argituko duen ikuskizun pirotekniko ikusgarria.
• 20:00 – DJ Etxekoik itxiko du eguna, bertaratutako guztiak dantzaraziko dituen saio moderno batekin.

Horrez gain, egun osoan azoka, txosna eta gune gastronomikoak egongo dira.