Getxok bederatzigarren artearen zaleek gehien espero duten ekitaldiaren edizio berri bat hartuko du irailaren 27tik 29ra. Komiki Azoka aurten ere zaleekin izango da, besteak beste, liburu-denden, establezimendu espezializatuen, argitaletxeen, fanzineen eta sektoreko profesionalen eskaintza komertzialaren eskutik, 40 salmenta-postuetan egongo baitira. Horrez gain, ekintza-programa ere antolatuko da, hiru egunez hitzaldiak, artistekin topaketak, mahai-inguruak eta egileen sinatze-txandak izango direla. Oraingo honetan, merkataritza-gunea Areetako Geltokia plazan eta horren ondoan dagoen Ibaiondo kalean. Bestalde, ekintzak Romo Kultur Etxean egingo dira. Ohi bezala, sarrera doakoa izango da.

Horrez gain, binetako profesionalei eskaini ohi zaien omenaldia ez da faltako eta oraingoan Laura Pérez Vernetti eta Iñaketen ibilbidea sarituko dituzte antolatzaileek. Komikiaren eta ilustrazioaren munduan ibilbide luzea egin du Pérez Vernettik (Bartzelona, 1958). 80ko hamarkadan abiatu zen komikigintzan, El Víbora aldizkariko orrialdeetan. Bertan, hamarkada batez argitaratu zituen bere lanak. Bere lanak forma estetiko eta narratibo berriak bilatzen dituen estilo apurtzailea du, eta literaturako eta poesia unibertsaleko egile handiak komikira egokitzera zuzenduta dago batez ere (Dostoyevski, Hawthorne, Kazka, Aristoteles, R. L. Stevenson, Rilke, Pessoa…). Bere ibilbide profesionalean Onliyú, Joseph Marie Lo Duca, Carlos Sampayo eta Antonio Altarriba eta Felipe Hernández Cava Komiki Sari Nazionalekin kolaboratu du. Bartzelonako Nazioarteko Komiki Azokako Sari Nagusia jaso zuen (2018), eta beste hainbat sari jaso ditu. Orain arteko bere azken lana ‘El designio’ da, Javier Pérez Andújar gidoilariarekin lankidetzan.

Bestalde, Iñaket (Bilbo, 1965) euskal sortzaile ezagunenetako bat da, eta 1986an egin zituen komikigintzan lehen urratsak, Habe Komik aldizkariaren eskutik. Komikigintzaren alderdi hori telesailetarako eta film luzeetarako ilustrazioarekin eta animazioarekin uztartu du. Hainbat urtez, Javier Mariscalek Bartzelonan Twipsy seriean eta Colors antzezlanean egin zuen lan profesionala. ‘The Tokis’ haurrentzako liburuaren egilea da, baita Mikel Begoñak gidatutako hainbat lanen egilea ere: ’Tristísima Ceniza‘,’El pico de los cuervos‘, ’Ötzi‘,’Hélice‘ eta ’3 casas en Santa Monica‘.

Halaber, 24 emakume artisten lanak biltzen dituen erakusketa bat ere izango da Komiki Azokan, fikzioaren funtsezko pertsonaia den sorgina omentzeko. ‘Bruixes-Sorginak-Brujas: Akelarre ilustratua’ izenaz, erakusketak Raquel Alzate, Higinia Garay, Genie Espinosa, Sandra Uve eta Susanna Martín ilustratzaileen lanak hartuko ditu, besteak beste.

Artista gonbidatuak eta kartela

Aipatutako artistez gain, Jaime Martín, Carla Berrocal, Cristina Durán, Aneke, Sole Otero, Gabriel Hernández Walta, Pedro Camello, Miguel Ángel Giner Bou eta Álex Orbe izango dira aretoan. Azken hori da, hain zuzen ere, aurtengo kartelaren egilea, eta jarraipena ematen dio 2024an Getxo Kulturak bertako artistek jaialdiei eta azokei irudia emateko abian jarri duen ekimenari.

Alex Orbek (Barakaldo, 1973) komikiak, haurrentzako liburuak eta testuliburuak ilustratzen ditu, publizitatearen eta animazioaren alorrean lan egiteaz gain. ‘Maite zaitut, Nadia’, ‘Labarreko itsasargia’, ‘Hiru sopranoak’ eta ‘Erraldoiek ez dute lagunik jaten’ dira ilustratu dituen liburuetako batzuk. Belgikako merkaturako ‘La nouvelle guerre des Boutons’ argitaratu du, baita ‘Les aventures du Bourlingueur’ serieko bi album ere: ‘Au fil du Napo’ eta ‘Les bargues du Congo’. Komikiaren esparruan, besteak beste, ‘Los enciclopedistas’ eta ‘El invasor’ (biak José A. Pérez Ledoren gidoiarekin) eta ‘El hombre y’ Sigue a la homiga ‘(Unai Elorriaga idazlearen gidoiarekin) lanak nabarmentzen dira. Borja Crespok idatzitako ‘Unamuno: El hombre y la razón’ lanaren marrazkiak ere sinatu ditu, eta Xabiroi eta El Balanzín aldizkarietan kolaboratu du.

• Getxoko Komiki Azkoa 2024: egitaraua (pdf)
  
  

Getxoko Komiki Azkoa 2024 | Egitaraua

Irailaren 27tik 29ra

• Merkataritza gunea: Areetako Geltokia plaza eta Ibaiondo kalea 11:00-14:30 / 17:00-21:00 (igandean, 20:00ak arte)
• Erakusketa: Bruixes – Sorginas – Brujas
  
  

Irailak 27

Arratsaldez

• 18:00: Aurkezpena (ele bitan) eta aleen banaketa Paralinpikoak / Partaideak: ZUZ MARTÍN – JAVI CONDE – TANIA CASTILLO – MIKEL GARCÍA – VANESSA DEL RÍO / Moderatzailea: Jon Spinaro
• 19:00: 2024ko Komiki Azokaren Sari banaketa LAURA PÉREZ VERNETTI – IÑAKET
• 19:15: Elkarrizketa LAURA PÉREZ VERNETTIkin moderatzailea: Yexus
• 20:00: Elkarrizketa IÑAKETekin moderatzailea: Kike Infame
  
  

Irailak 28

Goizez

• 11:15: Mahai-ingurua Cómic e ilustración frente a la IA / partaideak: MAITANE VALDECANTOS – JON JUÁREZ – KIKE INFAME / moderatzailea: Patricia Millán laguntzailea: Euskal Irudigileak
• 12:30: Topaketa GABRIEL HERNÁNDEZ WALTA – DAVID LAFUENTE / moderatzailea: Koldo Azpitarte
• 13:30: Mahai-ingurua eta aurkezpena Del bar de la esquina al lejano Oeste / partaideak: PEDRO CAMELLO – ASIER ITURRALDE (GASTÓN) – GREGORIO MURO / moderatzailea: Diego García Rouco

Arratsaldez

• 17:15: Topaketa CRISTINA DURÁN – MIGUEL ÁNGEL GINER BOU moderatzailea: Patricia Millán
• 18:00: Topaketa SOLE OTERO – MARINA SÁEZ / moderatzailea: Patricia Millán
• 19:00: Elkarrizketa  CARLA BERROCAL – JAIME MARTÍN / moderatzailea: Diego García Rouco
• 20:00: Txakomic, dastaketa ilustratua Bizkaiko txakolinera eta bere historiara hurbiltzen gaituen izen bereko komikiaren aurkezpena. / partaideak: RAQUEL ALZATE – CESAR SEBASTÍÁN – ATA- FURILLO eta bestelako gonbidatu bereziak. Bizkaiko Txakolina, Mendibile Jauregia, Txakolinaren Museoa – Txakolingunea eta Ondalan erraldoien konpainiaren laguntzarekin. Aurretiko izen ematea nahitaezkoa da, honako galdetegian: https://forms.gle/rdTB3R5mFps4paff6

LARUNBATA 28ko tailerrak

Goizez

Lekua: ROMO KULTUR ETXEA

11:15 Mahai-ingurua: Cómic e ilustración frente a la IA Generativa. Partaideak: MAITANE VALDECANTOS – KIKE INFAME –JON JUÁREZ. Moderatzailea: Patricia Millán Molinuevo (cas)

Irailak 29

Goizez

• 11:15: Elkarrizketa CRAIG THOMPSON / moderatzailea Koldo Gutiérrez
• 12:00: Irakurketa-kluba: El invasor / partaideak: ÁLEX ORBE – JOSÉ A. PÉREZ LEDO / moderatzailea: Diego García Rouco
• 13:00: Mahai-ingurua: ¿Con o sin tilde? ¿Cómo diantres se escribe un guion? / partaideak: ELIZABETH CASILLAS – MIGUEL Á. GINER BOU – KOLDO AZPITARTE – JOSÉ A. PÉREZ LEDO / moderatzailea: Borja Crespo

IGANDEA 29ko tailerrak

Adina: 6>12 urte / Izen-ematea: tailerra hasi baino ordu bat lehenago Romo Kultur Etxean

Goizez. Lekua: ROMO KULTUR ETXEA

• 11:00-14:00 / 17:00-19:00   Komikiaren hastapenak (Amaia Ballesteros) (eus)
• 11:00-12:00   Mis primeros personajes (Álex Orbe) (cas)
• 12:00-13:00   Sinfonía de lechugas al sol (Andrea Ganuza) (cas)
• 13:00-14:00   Story Cube ¡Sortu zure istorioa! (Lucia Bonilla) (eus)

Arratsaldez. Lekua: AREETAKO GELTOKIA PLAZA (Anfiteatroa) 

Eguraldia kaxkarra izanez gero, ekintza Romoko ikastetxean garatuko da

• 17:00-18:30   Getxo abisala (Nagore Txintxurreta) (eus)
• 17:00-19:00   Ilustramatón (Alex F) (cas)