Euskal kultura izango da berriro protagonista Ugao-Miraballesen, ospatuko den Euskal Astearen 28. edizioan. Udalak, herriko elkarteekin, ikastetxeekin eta kultur eragileekin elkarlanean antolatzen duen ekimen hau euskara eta euskal nortasuna herri eta eskualde mailan sustatzeko hitzordu nagusietako bat bihurtu da.

Apirilaren 5etik 11ra bitartean, Aste Santuaren aurreko egunetan, kultura, jai eta partaidetza jarduerez betetako astea izango da, herritar guztiei zuzendua. Egitaraua larunbatean, hilak 5, hasiko da, buruhandien kalejira alai batekin. Ondoren trikitilariak, Etorki Dantza Taldeko dantzariak, Sarea Abesbatzako kideak eta bertsolaritza tailerreko ikasleak batuko dira. Eguna amaitzeko, Herriaren Enparantzan erromeria ospatuko da, "Luhartz" taldearen eskutik. Igandean, hilak 6, dantzaren txanda izango da. Herriaren Enparantzan alardea izango da eta eskualdeko hainbat taldek parte hartuko dute.

Astean zehar, Jane Jauregiak hainbat pr¿oposamen hartuko ditu, hala nola eskolako ikasleek antzeztuko dituzten obrak, udari begira larruazala zaintzeko tailerra eta Etorki Dantza Taldeak Olentzeroren pertsonaiari buruz egindako bideo baten proiekzioa. Gainera, Hiru Iturrien plazan haurrentzako jarduerak eta Aitama elkarteak antolatutako tailerrak izango dira. Egitaraua ostiralean, hilak 11, amaituko da kalejira berri batekin, 2025eko Euskaraldia zabaltzeko ekintza batekin eta "Katana" bakarrizketarekin, Ana Goitia umoristaren eskutik.

Udalak eredu parte-hartzaile eta kolaboratibo baten aldeko apustu irmoari eusten dio, eta, beste behin ere, udalerriko erakundeak dira, borondatez, programari forma ematen lagundu dutenak. Aurten AEK, Aitama guraso elkartea, Etorki Dantza Taldea, Sarea Abesbatza, Harile kultur elkartea, Gure Esku, Emahots, Asier Peña eta herriko eskola izan dira partaide, Euskara eta Kultura udal zerbitzuekin batera.

Herriko Eskolaren inplikazioa nabarmendu behar da, ikasleek protagonismoa izango baitute astean zehar egingo diren hainbat jardueratan. Horietako batzuk publikoari irekita egongo dira, euskararekin eta kultura bizi eta parte-hartzailearen garapenarekin duten konpromisoa agerian utziz.

2025KO EUSKAL ASTEKO EGITARAUA

• Apirilak 5, larunbata:
  • 18:00 Buruhandien kalejira
  • 19:00 Kalean Kantuz: kalejira triki-tilariekin, Etorkiko dantzariekin, Sarea Abesbatzarekin eta ikastetxeko bertsolaritza tailerreko ikasleekin
  • 20:30 Erromeria “Luhartz” taldearen eskutik Herriaren Enparantzan

• Apirilak 6, igandea:
  • 12:30 Dantza agerraldia Herriaren Enparantzan. Parte-hartzaileak: Basauriko Edurre, Basauritar eta Agintzari; Usansoloko Oinarin; Arrigorriagako Aritz Berri eta Etorki

• Apirilak 7, astelehena:
  • 09:30 Eskolako ikasleen ekitaldiak Jane Jauregian eskolako umeei zuzenduta. ANTZERKIGINTZA
  • 15:30 Eskolako ikasleen ekitaldiak Jane Jauregian gurasoei eta familiei zuzenduta. ANTZERKIGINTZA

• Apirilak 8, asteartea:
  • 18:30 “Gure azala udarako prestatzen” tailerra Jane Jauregian

• Apirilak 9, asteazkena:
  • 18:30 Etorki Dantza Taldeak egindako OLENTZEROren inguruko bideoa proiektatzea Jane Jauregian

• Apirilak 10, osteguna:
  • 11:30 “Ludoteka kalean” eta umeentzako tailerrak “Aitama” guraso-elkartearen eskutik Hiru Iturriko plazan

• Apirilak 11, ostirala:
  • 18:00 Buruhandien kalejira
  • 18:30 2025eko EUSKARALDIAri buruzko informazioa zabaltzea
  • 19:30 KATANA, ANA GOITIAren bakarrizketa Jane Jauregian

Egitaraua (PDF 17,9M¿B)