Ibon RGk jatorrizko soinu-banda aurkezten du zineman: La montagne infidèle, Jean Epstein, Francia, 1923, 24’

1923ko ekainaren 22an, Etna, Epstein eta Paul Guichard operadoreak erupzio bolkaniko bortitz bat hasi eta bost egunera, Italia zeharkatzen zuten hura eragin zuen munstroa gertutik ezagutu eta filmatzeko.

Nerbioi ibaiaren ezkerraldean sortua, duela jada bi hamarkada hasi zen IbonRG (Sestao, 1978) Bizkaiko eszena independiente eta esperimentalean parte hartzen, bai kontzertuak antolatuz (Kafea eta Galletak egitasmoan, besteak beste), bai beste musikarien lanak ekoitziz eta moldatuz (Mursego, Manett, Xabier Montoia eta abar), baita -bereziki- musikari gisa, hainbat proiektutan; Eten taldearekin argitaratu dituen lau diskoekin edota ahotsezko inprobisazioa eta elektronika uztartzen dituen Gargara bikotearen lanekin, proiektu horietan hainbat musika-tresna jo izan dituen arren, IbonRG-ren bakarkako lanean ahotsa da ardatz nagusi eta, gehienetan, bakarra.