Koldo Almandoz zuzendariak eta Marian Fernández ekoizleak "Hondar ahoak" seriearen sorkuntza prozesua partekatuko dute.
Hondar ahoak
Telesaila / Noir thriller / 4 x 50min / Kolorea / 4K / 16:9 / J.B Euskera
Txintxua Filmsen ekoizpen bat ETBrako
Marinelen usadio batek dio itsasoko sekretuak lurrean kontatzen dituenari ahoa hondarrez beteko zaiola, itsasotik lurrera eramandako hitzek urratsak uzten dituztelako.
Nerea Garcia inspektorea arrantza portu batera bidaltzen dute patroi baten desagerpena ikertzera. Berehala jabetuko da ez dela ohiko desagerpen bat eta ezer ez dela dirudiena. Iragana beti da inprebisiblea.