Marta Sanzek diagnostikorako tresnatzat du barrea. Ironia, satira eta parodia erabiltzen ditu "amorrua sorrarazten dion hori" modu atseginagoan salatzeko, nahiz eta "zuzentasun politikoa gailentzen den garaiotan erresumin handia eragiten amaitu". Marta Sanz eta jaialdia lagun zaharrak dira. Hainbat ediziotan parte hartu du, protagonisten artean egon ez bada ere. Black, Black, black eta Un buen detective no se casa jamás lanen ondoren, Pequeñas mujeres rojas delakoarekin Zarco ezohizko detektibearen trilogia itxi du. Aukera aparta iruditu zaigu hainbeste merezitako protagonismo hori emateko.

Gonbidapenarekin. Sakatu hemen. Gehienez bi, pertsona bakoitzeko.