Urkabustaizko Udalak, Izarra Herri Eskolak eta Urkabustaizko Liburutegiak elkarlanean martxan duten Bularretik Mintzora egitasmoaren barruan, ikastaro berezi bat izango dugu aurtengo urrian, "Elkar entzuteko gunea sortzen etxean: liburuak eta kontutxoak lagun". Pello Añorga etorriko da urriaren 20an eta 27an, proposatutako gaiaren gainean jardutera, 17:00etatik 19:00etara.

Tailerrak bi helburu ditu: etxean elkar entzuteko gunea sortzen laguntzea, komunikazioa errazteko, eta horretarako baliabideak ezagutu eta praktikan jartzea.

Bereziki egokia da 0 eta 8 urte arteko umeak dituzten gurasoentzat, baina interesa duen edozeinek har dezake parte. Izena emateko, Urkabustaizko Liburutegira joan beharra dago, urriaren 18a baino lehen.